قصيدو مؤثرة مررررررررررررررررررة

**فارسة جوادها** · 04-Apr-2010,05:09 AM

قصيدة كتبها شاب عمل حادث سيارة و والدته كانت معاه وكان مسرعا

نتيجة هذا الحادث

الوالدة توفت نتيجة الاصابات الخطيرة

و هو إصابته كانت خفيفة

و هذي الأبيات قالها للي يواسونه

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

**أوهــــــامَ** · 09-Apr-2010,04:27 PM

الله يرحمَ الجميعًَ
سلمت يمناك على النقل الراقيًَ

.

**شتآت}~** · 16-Apr-2010,12:55 AM

الله يغفر لها ويرحمها برحمته

ويهديه ويهدي شباب المسلمين

فارسة جوادها

تسلم يمناك يالغلآ على هالقصيدة

ولو كانت محزنه

إلا أنها في قمة الروعة

تشكراتي لك من أعماق القلب

ياعسانا ماننحرم منك ياذوق

تقديري وفائق ودي واحترامي لك ِ